📌 આધુનિક શિક્ષણ, વિજ્ઞાન, ટેકનોલોજી અને વ્યવસાય માટે મુસ્લિમ સમાજને આગળ આવવાની જરૂર

Israil Arodiya January 29, 2025

📌 પરિવર્તન એ જ સફળતાની ચાવી: ધર્મ અને સમાજ પર અસર

આધુનિક શિક્ષણ, વિજ્ઞાન, ટેકનોલોજી અને વ્યવસાય માટે મુસ્લિમ સમાજને આગળ આવવાની જરૂર

📍પરિવર્તન એ પ્રકૃતિનો નિયમ છે. જે પણ વ્યક્તિ, સમાજ કે ધર્મ સમયની સાથે બદલાતા નથી, તેઓ પાછળ રહી જાય છે. ઈતિહાસ સાક્ષી છે કે જે સમાજો અને ધર્મોએ નવીનતા અપનાવી, તેઓ વધુ મજબૂત અને પ્રભાવશાળી બન્યા. મુસ્લિમ સમાજ સહિતના તમામ ધર્મો અને સંસ્કૃતિઓ માટે પણ, આધુનિક સમયની જરૂરિયાતોને અનુરૂપ ફેરફારો લાવવાની જરૂર છે.

1️⃣ ધર્મ અને સમાજમાં બદલાવની અનિવાર્યતા:

કોઈપણ ધર્મ અને સમાજ માટે સમય અને પરિસ્થિતિ અનુસાર બદલાવ લાવવો જરૂરી છે. જો કોઈ સમાજ કે ધર્મ આ ફેરફારોને સ્વીકારી તેના અનુકૂળ ચાલતો નથી, તો તે પાછળ રહી જાય છે. અહીં ધર્મના સિદ્ધાંતો અને મૂલ્યવ્યવસ્થા બદલવાની વાત નથી. પણ આધુનિક યુગમાં પ્રગતિ માટે નવી વિચારસરણી અપનાવવી જરૂરી છે. મુસ્લિમ સમાજ માટે ધર્મના સિદ્ધાંતો જાળવી રાખીને આધુનિક શિક્ષણ, વિજ્ઞાન, ટેક્નોલોજી, વ્યવસાય અને રાજકીય મહત્ત્વ સ્વીકારવું જરૂરી છે. ઇસ્લામ સ્વયં એક પ્રગતિશીલ ધર્મ છે, અને તેનો પહેલો હુકમ "ઇકરા" (વાંચ) છે, જે શિક્ષણ અને જ્ઞાન પર ભાર મૂકે છે.

📌 ઉદાહરણ:

✔️ યહૂદી સમાજ: એક વખત રત્ન અને કાપડ વેપારી, આજે ફાઈનાન્સ અને ટેક્નોલોજી ક્ષેત્રમાં અગ્રેસર.

✔️ ક્રિશ્ચિયન સમાજ: વૈજ્ઞાનિક અભિગમ અપનાવી નેતૃત્વ કરી રહ્યો છે.

✔️ હિંદુ સમાજ: આધુનિક શિક્ષણ અપનાવ્યું અને ઉદ્યોગમાં પ્રગતિ કરી.

✔️ મુસ્લીમ સમાજ: જે મુસ્લિમ દેશોએ શિક્ષણ અને ટેક્નોલોજી અપનાવી, તેઓ વધુ વિકસિત થયા.

2️⃣ મુસ્લિમ સમાજ માટે સમય સાથે બદલાવનું મહત્વ:

મુસ્લિમ સમાજ માટે પણ, સમયની સાથે બદલાવ અનિવાર્ય છે. વિજ્ઞાન અને ટેક્નોલોજી એ માત્ર પશ્ચિમી દેશોની મોનોપોલી નથી. ઇસ્લામિક ઈતિહાસ સાક્ષી છે કે જ્યારે મુસ્લમાનો વિજ્ઞાન અને સંશોધન ક્ષેત્રે આગળ હતા, ત્યારે તેઓ વિશ્વને દિશા આપતા હતા. તેઓ વિશ્વની અગ્રણી જાતિ ગણાતા.

📌 ઉદાહરણ:

🔹 આંદલુસ (સ્વર્ણયુગ): આંદલુસ અને બગદાદ જેવા શહેરો જ્ઞાનના કેન્દ્ર હતા. 8મી થી 15મી સદી દરમિયાન મુસ્લિમ વિજ્ઞાનીઓ (અલ-ખવારિઝમી- આલ્જીબ્રાના પિતા, અલ-ફારાબી, ઈબ્ન સીના-ચિકિત્સા શાસ્ત્ર) દુનિયાના વિજ્ઞાનમાં આગળ હતા.

🔹 ઓટોમન સામ્રાજ્ય: ટેક્નોલોજી અપનાવવાનો અભાવ હોવાથી વિકાસ અટક્યો.

🔹 આજનો સમયગાળો: ઘણા મુસ્લિમ દેશો અને સમાજો આધુનીક શિક્ષણ અને ટેક્નોલોજી ક્ષેત્રે પાછળ રહ્યા.